STS
Bei jedem Wickel mit der Mutter war mein erster Weg von daham zu Dir
und Du hast gsagt sie is alan des muast verstehn ois vergeht kumm trink a Bier
und Du hast gmant, des ganze Leben besteht aus nehmen, und vü mehr gebn
worauf i aus deim Kastn in der Nacht die poar tausend Schilling gfladdert hob
zum Verputzen in der Diskothek a poar Tag drauf hast mi danach gfrogt
i hobs bestritten, hystherisch plearrt dei Blick war traurig, dann hob i greart
Du hast nur gsogt, kumm loss mas bleibn Göd kann goar nie so wichtig sein
Wenn Du vom Kriag erzöit hast, wie Du am Russn Aug in Aug gegenübergstanden bist
ihr hobts euch gegenseitig an Tschick anboten die Hand am Abzug, zittert vor lauter Schiss
oder dei Frau, die den ganzen Tag dir die Ohrn vollgsungen hat
Du hast nur gsagt, i hob sie gern i muass net alles, was sie sagt, immer hearn
Grossvater! kannst Du net obakumman auf an schnölln Kaffee
Grossvater! i mecht Da so vü sogn was i erst jetzt versteh
Grossvater! du warst mei erster Freind und des vergiss i nie
Grossvater…
Du warst koa Übermensch, hast a nie so tan grad deswegn war da irgendwie a Kraft
und durch die Art wie Du Dei Lebn glebt hast hob i a Ahnung kriagt, wie mas vielleicht schafft
Dei Grundsatz war, z’erst überlegen a Meinung hobn, dahinter stehn
Niemals Gewalt, alles bereden aber a ka Angst vor irgendwem
Grossvater! kannst Du net obakumman auf an schnölln Kaffee
Grossvater! i mecht Da so vü sogn was i erst jetzt versteh
Grossvater! du warst mei erster Freind und des vergiss i nie
Grossvater…
