Marianne Mendt
Verse 1
Solang i was, dass i an hab, der mi mag.
Solang is jeder Tag für mi a glücklicher Tag.
Wann i nur was, er kummt ham zu mia,
dann kumm i ma vor als wia
a Glock’n, die 24 Stundn läut.
Verse 2
Dann is ma wurscht, was da Wettafrosch prophezeit.
Wann i a Freund hab, dann was i nie, obs stürmt oda schneit
Wann i eam hear an da Wohnungstür,
dann komm i ma vor als wia
a Glock’n, die 24 Stunden läut.
Bridge
Und die Leut, dies olle wissen von Haus zu Haus,
schauts alle her, so schaut a verliabtes Madl aus.
Was fang i nur an mit so ana Glücksration
I hab ja Gott sei Dank mehr davon, als i allan verbrauchn kann.
Verse 3
Am liabstn was ma, wann jeder si mit mir gfreit
und dass sie immer so weitergeht, die glückliche Zeit.
Wann i sei Hand in der meinen gspür,
ja dann komm i ma vor als wia
a Glock’n, die 24 Stunden läut.
Verse 4
Solang i was, dass i an hab, der mi mag.
Solang is jeder Tag für mi a glücklicher Tag.
Wann i nur was, er kummt ham zu mia,
dann kumm i ma vor als wia
a Glock’n, die immer wieda klingt,
a Glock’n, die immer wieda singt,
a Glock’n, die 24 Stundn läut.
